Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Мастоўскi
раённы
выканаўчы
камітэт

Навiны рэспублiкi

29 красавіка 2021

Дзякуючы «зялёным школам» усё больш людзей далучаюцца да экалагічнага руху

У 2018 годзе стартаваў праект «Далучэнне грамадскасці да экалагічнага маніторынгу і паляпшэнне кіравання аховай навакольнага асяроддзя на мясцовым узроўні». Дзякуючы яму ва ўсіх рэгіёнах краіны ўсё больш неабыякавых юных і сталых беларусаў далучаюцца да экалагічнага руху.

 

Школа юных эколагаў

 

Развіццё сістэмы экалагічных школ у нашай краіне пачалося ў 2010 годзе ў рамках праекта ПРААН «Павышэнне экалагічнай інфармаванасці моладзі праз заснаванне і развіццё «зялёных школ» у Беларусі». Некаторыя ўстановы адукацыі пачалі дзейнічаць у гэтым кірунку, былі распрацаваны метадычныя матэрыялы, праведзены семінары для педагогаў. А ў 2013 годзе зацверджана Палажэнне аб рэалізацыі адукацыйнага праекта «Зялёныя школы», і да яго сталі далучацца новыя ўдзельнікі. У 2014 годзе 47 з іх быў прысвоены статус «Зялёная школа».

 

Новы імпульс для развіцця экашколы атрымалі ў 2018 годзе ў рамках праекта міжнароднай тэхнічнай дапамогі «Далучэнне грамадскасці да экалагічнага маніторынгу і паляпшэнне кіравання аховай навакольнага асяроддзя на мясцовым узроўні», які фінансуецца Еўрапейскім саюзам і рэалізуецца ПРААН у партнёрстве з Мінпрыроды.

 

Сёння статус «Зялёная школа» маюць 155 устаноў (арганізацый) у краіне і больш за 300 рэалізуюць гэты адукацыйны праект. Фота ПРААН.

Сёння статус «Зялёная школа» маюць 155 устаноў (арганізацый) у краіне і больш за 300 рэалізуюць гэты адукацыйны праект. Фота ПРААН.

 

 

— Наш праект уключае шмат розных напрамкаў, адзін з якіх — развіццё сеткі «зялёных школ» у Беларусі. Праграма аднайменнага факультатыву зацверджана Міністэрствам адукацыі. Яна ахоплівае практычна ўсе асноўныя экалагічныя тэматыкі — абыходжанне з адходамі, біяразнастайнасць, вода- і энергазберажэнне і інфармацыйна-экалагічныя мерапрыемствы, — расказала кіраўнік праекта Вольга ЧАБРОЎСКАЯ. — На сайце Рэспубліканскага цэнтра экалогіі і краязнаўства можна запоўніць спецыяльную форму і далучыцца да нас. Самыя актыўныя, хто выканаў дасланыя заданні па ўсіх кірунках, атрымаюць сертыфікат «Зялёнай школы».

 

У краіне створаны і працуюць 11 рэсурсных цэнтраў па рэалізацыі адукацыйнага праекта, функцыю галоўнага з іх выконвае Рэспубліканскі цэнтр экалогіі і краязнаўства. Рэсурсныя цэнтры дапамагаюць прасоўваць канцэпцыю «зялёных школ» у рэгіёнах, даюць школьнікам і педагогам магчымасць знайсці цікавыя і карысныя звесткі па тэматыцы праекта.

 

Сачыць за наваколлем — адказная справа

 

Дзякуючы праекту ў кожнай вобласці і Мінску было створана і функцыянуе сем клубаў экалагічнага маніторынгу на базе «зялёных школ». Яны працуюць ва ўзаемадзеянні з рэспубліканскімі і рэгіянальнымі рэсурснымі цэнтрамі, Рэспубліканскім цэнтрам па гідраметэаралогіі, кантролі радыеактыўнага забруджвання і маніторынгу навакольнага асяроддзя (Белгідраметам), абласнымі камітэтамі і раённымі інспекцыямі прыродных рэсурсаў і аховы навакольнага асяроддзя. Клубы экалагічнага маніторынгу аб'ядноўваюць намаганні ўстаноў адукацыі, валанцёраў, грамадскіх эколагаў, органаў мясцовай улады, грамадскіх арганізацый у вырашэнні экалагічных праблем рэгіёнаў.

 

З дапамогай праекта ў 2019 годзе клубы і рэсурсныя цэнтры атрымалі базавае абсталяванне для правядзення экалагічнага маніторынгу — гэта снегамерныя рэйкі, метэастанцыі, pH-метры, кандуктометры, газааналізатар і ападказбіральнікі. На вучэбнай метэастанцыі можна вызначаць атмасферны ціск, напрамак і хуткасць ветру, тэмпературу і вільготнасць паветра, колькасць вадкіх ападкаў.

 Для збору і апрацоўкі даных таксама выкарыстоўваецца электронная анлайн-платформа eco-school.by, куды трапляе інфармацыя ад усіх 18 пілотных пляцовак: сямі клубаў экалагічнага маніторынгу і адзінаццаці рэсурсных цэнтраў па ўсёй краіне. Атрыманымі данымі юныя эколагі дзеляцца са спецыялістамі Белгідрамета. Так дзеці разам з дарослымі вучацца пазнаваць наваколле і берагчы яго.

Па матэрыялах газеты "Звязда"